Տեո Ուոլքոթը համաձայն է «Արսենալում» ստանալ շաբաթական 90.000 ֆունտ

«Արսենալի» կիսապաշտպան Տեո Ուոլքոթը համաձայնել է լոնդոնցիների առաջարկած նոր պայմանագրին, ըստ որի՝ ֆուտբոլիստի աշխատավարձը չնչին բարձրացել է. տեղեկացնում է Goal.com-ը։

Ի սկզբանե Անգլիայի հավաքականի 23-ամյա ֆուտբոլիստն ակումբի ղեկավարությունից պահանջում էր աշխատավարձի բարձրացում՝ շաբաթական 75.000-1000000 ֆունտ, ինչը ֆուտբոլիստին կդարձներ ամենաբարձր վարձատրվող ֆուտբոլիստն ակումբում։ «Արսենալի» ղեկավարությունն իր հերթին համաձայնություն է հայտնել Ուոլքոթին շաբաթական 80.000 ֆունտ վճարել։

Աղբյուրի տվյալներով՝ ֆուտբոլիստը պատրաստ է համաձայնվել 90.000 աշխատավարձին, ինչպես նաև ցանկանում է խաղալ կենտրոնական հարձակվողի գոտում։