Մահացել է Ֆլորա Մարտիրոսյանը

Քիչ առաջ ԱՄՆ-ի Լոս Անջելես քաղաքում մահացել է ՀՀ ժողովրդական արտիստուհի, Կոմիտասի անվան միջազգային երաժշտական դպրոցի հիմնադիր, Artists for Peace բարեգործական կազմակերպության հիմնադիր, Never Again մշակութային շարժման նախաձեռնող Ֆլորա Մարտիրոսյանը (ծնվ.՝ 1957թ.)։ 

Լուրեր.com-ի հավաստի աղբյուրների համաձայն՝ երգչուհին մահացել է լեղապարկի վիրահատությունից հետո։ Նրա սիրտը չի դիմացել։

Հիշեցնենք, որ նոյեմբերի 15-ին Ֆլորա Մարտիրոսյանի ֆեյսբուքյան էջում տեղադրվել էր հայտարարություն, ըստ որի՝ երգչուհու առաջիկա համերգը հետաձգվել է առողջական խնդիրների պատճառով։ Ըստ նշված տեղեկության՝ երգչուհուն վիրահատել էին, և վիճակը բավարար էր։

Լուրեր.com լրատվական կայքի խմբագրակազմը խորապես ցավակցում է երգչուհու ընտանիքին և ողջ հայ ժողովրդին ցավալի ու անդառնալի կորստի համար։