Կրեմլում մեկնարկել է ՀԱՊԿ երկրների ղեկավարների հանդիպումը
Դիվանագիտական առաքելություններ
Կրեմլում մեկնարկել է Հավաքական անվտանգության պայմանագրի կազմակերպության երկրների ղեկավարների հանդիպումը նեղ կազմով. հայտնում է РИА Новости-ն:
Հանդիպմանը մասնակցում են Հայաստանի, Բելառուսի, Ղազախստանի, Ռուսաստանի և Տաջիկստանի նախագահները, ինչպես նաև՝ կազմակերպության գլխավոր քարտուղար Նիկոլայ Բորդյուժան: Վլադիմիր Պուտինը շնորհակալություն է հայտնել կազմակերպության ղեկավարին, հիշեցնելով, որ նախագահությունը փոխանցվել է Ղրղզստանին: ՌԴ նախագահը նաև նշել է, որ այս գագաթաժողովին առաջնորդները «քննարկման համար լայն օրակարգ ունեն»:
Նեղ կազմով հանդիպման ավարտից հետո առաջնորդներին կմիանան պատվիրակությունները, այդ թվում՝ նաև ՀԱՊԿ մասնակից երկրների պաշտպանության նախարարները:
Բանակցությունների օրակարգում են անվտանգության կատարելագործմանն ուղղված միջոցառումները, մինչև 2020 թվականը ՀԱՊԿ-ի ռազմական բազկացուցչի զարգացումը, իրավիճակն Ավղանստանում, ինչպես նաև Ուզբեկստանի՝ ՀԱՊԿ-ում գործունեության դադարեցման մասին դիմումը, որն ուղղվել էր կազմակերպությանը այս տարվա հունիս ամսին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
