Հոգևորականներին բերման ենթարկելու հիմք է հանդիսացել Տեր Արամի հարցազրույցը․ փաստաբան

Մկրտիչ եպիսկոպոս Պռոշյանը բռնի անհետացել է, այսինքն՝ հայտնվել է պաշտպանության իրավազորությունից դուրս` պետության կողմից իրականացված գործողությունների արդյունքում: Պետությունը հրաժարվում է հայտնել նրա գտնվելու վայրը և այժմ փորձում ենք պարզել: Ասեմ, որ դա հանցանք է, երբ որ պետության թողտվությամբ անձը հայտնվում է իրավական պաշտպանությունից դուրս:  Այս մասին լրագրողների հետ զրույցում ասաց փաստաբան Արմինե Ֆանյանը։ 

Նրա խոսքով՝ բերման ենթարկված հոգևորականները դեռ չեն հարցաքննվել, նրանք հայտարարել են, որ ցանկանում են փաստաբանի ներկայությամբ հարցաքննվել, նրանց մի մասն արդեն դուրս է եկել ՔԿ–ից։

Փաստաբանի ենթադրությամբ՝ այս գործողությունների հիմք է հանդիսացել Տեր Արամի հարցազրույցը Հանրայինի հեռուստատեսության եթերում։

«Այս պահին ստույգ տեղեկություն չունենք, բայց հաշվի առնելով, որ հենց Արագածոտնի թեմի քահանաներն են բերման ենթարկվում, կանխատեսելի է, որ հենց այդ պատճառով»,– ասաց նա:

Հիշեցնենք, որ Տեր Արամը Հանրայինի հեռուստատեսության եթերում ասել էր, որ ընդդիմության հավաքներին մասնակցել է վերադասի հրահանգով, ով Գարեգին Բ-ի քրոջ որդին է՝ Արագածոտնի թեմի առաջնորդ Տեր Մկրտիչ եպիսկոպոս Պռոշյանը։