Հոգևորականները վկայի կարգավիճակում են․ Մկրտիչ Սրբազանի տեղը դեռ անհայտ է․ փաստաբան

Արագածոտնի թեմի առաջնորդ Մկրտիչ Սրբազանի պաշտպանական խմբի անդամները չեն կարողանում մտնել Երևանի քննչական վարչություն:

«Աննախադեպ իրավիճակ է։ Այսպիսի բան երբեք տեղի չի ունեցել, որ չկարողանանք անգամ փաստաբանների՝ գործի ներգրավման վերաբերյալ դիմում ներկայացնեք ընդունարան»,- ասում է Քննչականի դիմաց սպասող փաստաբան Մարինե Ֆարմանյանը՝ նշելով, որ Մայր Աթոռից լիազորություն ունեն Քննչական տեղափոխված մյուս հոգևորականների շահերը ևս պաշտպանել․ «Սակայն տեղեկացանք, որ հոգևորականներն այս պահին վկայի կարգավիճակում են»,- հայտնում է Ֆարմանյանը՝ հավելելով, որ մինչ այս պահը պահանջում են տեղեկություն հայտնել Մկրտիչ Սրբազանի գտնվելու վայրի մասին, որը թաքցնում են։

Նրանք որպես պաշտպաններ դեռ հնարավորություն չեն ունեցել ներգրավվել։