Նոր Նորքի բաժնի համայնքային ոստիկանները հետախուզվողի են հայտնաբերել

Համայնքային ոստիկանության Նոր Նորքի բաժնի ծառայողները ձեռնարկած օպերատիվ-հետախուզական միջոցառումների արդյունքում դեկտեմբերի 8-ին Բուզանդի փողոցում հայտնաբերել և բաժին են տեղափոխել 39-ամյա մի տղամարդու, որը դեկտեմբերի 1-ից Համայնքային ոստիկանության Շենգավիթի բաժնի կողմից հետախուզվում էր առանց իրացնելու նպատակի թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների կամ պրեկուրսորների ապօրինի շրջանառության մեղադրանքով. խափանման միջոցը՝ կալանք։