Արտակարգ դեպք՝ Երևանում․ երթևեկելու ընթացքում կոտրվել է ավտոբուսի պատուհանի ապակին

SHAMSHYAN.com-ի տեղեկություններով դեկտեմբերի 30-ին, արտակարգ դեպք է տեղի ունեցել Երևանում։ Ժամը 21։35-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Նոր Նորքի բաժին է զանգահարել Երևանի բնակիչ 61-ամյա Նորայր Ա․-ն և հայտնել, որ նույն օրը ժամը 21։20-ի սահմաններում Հունան Ավետիսյան փողոցում երթևեկելու ընթացքում իրեն անհայտ պայմաններում կոտրվել է իր վարած «Zongtong» մակնիշի ավտոբուսի ձախակողմյան հատվածի մեջտեղի պատուհանը։

Ինչպես հայտնում է ֆոտոլրագրող Գագիկ Շամշյանը, ըստ Նորայր Ա․-ի ապակու կոտրվելու հետևանքով «Երևան Ավտոբուս» ՓԲԸ-ին պատճառվել է 280 հազար դրամի վնաս։Ոստիկանության Նոր Նորքի բաժնի ծառայողների կողմից ձեռնարկվում են միջոցառումներ կատարվածի հանգամանքները պարզելու ուղղությամբ։

Դեպքի փաստով ոստիկանության Նոր Նորքի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին։Գ․ Շամշյանի տեղեկություններով Նորայր Ա․-ն աշխատում է «Երևան Ավտոբուս» ՓԲԸ-ում, որպես վարորդ։