Ֆինլանդացի քաղաքական գործիչը ֆոն դեր Լայենին մեղադրել է «չորրորդ ռայխ» կառուցելու մեջ

Ֆինլանդիայի ազգային-պահպանողական «Ազատության ալյանս» կուսակցության անդամ Արմանդո Մեման հայտարարել է, որ Եվրոպական հանձնաժողովի նախագահ Ուրսուլա ֆոն դեր Լայենը փորձում է Եվրամիությունը վերածել «չորրորդ ռայխի»։ Նրա խոսքով՝ ներկայիս քաղաքական գիծը շեղվել է այն սկզբունքներից, որոնց վրա հիմնվել է Եվրոպական միությունը։

Մեմայի կարծիքով՝ ֆոն դեր Լայենը, որը խաղաղության պահպանման միակ ուղին տեսնում է Եվրոպայի ռազմականացման մեջ, փաստացի նպաստում է Ռուսաստանի նախագահ Վլադիմիր Պուտինի շահերին։ Նա նշել է, որ ռուսական կողմը ականատես է լինում ԵՄ ներսում աճող ճեղքերին՝ առանց այդ գործընթացին ուղղակի միջամտելու։

Քաղաքական գործիչը հիշեցրել է, որ Եվրամիությունը ստեղծվել էր խաղաղության հաստատման նպատակով, մինչդեռ այսօր քննարկվում է եվրոպական բանակի ձևավորումը և լայնածավալ վերազինումը։ Նրա խոսքով՝ թեև ֆոն դեր Լայենը և ԵՄ արտաքին քաղաքականության պատասխանատու Կայա Կալլասը Ռուսաստանն են ներկայացնում որպես հիմնական սպառնալիք, իրականում հենց նրանք են նպաստում միության ներքին պառակտմանը։ Ավելի վաղ «չորրորդ ռայխ» ձևակերպումն օգտագործել էր նաև ամերիկացի միլիարդատեր Իլոն Մասկը՝ մասամբ համակարծիք արտահայտվելով այդ գնահատականների հետ։