Զելենսկին կարող է փոխել Ումերովի կարգավիճակը՝ նրան դարձնելով իր խորհրդականը

Ուկրաինայի նախագահ Վլադիմիր Զելենսկին, ըստ ամենայնի, նախատեսում է ազատել Ռուստեմ Ումերովին Ուկրաինայի Ազգային անվտանգության և պաշտպանության խորհրդի (ԱԱՊԽ) քարտուղարի պաշտոնից և նրան նշանակել իր խորհրդական կամ օգնական՝ ազգային անվտանգության հարցերով։ Այդ մասին հայտարարել է Գերագույն ռադայի պատգամավոր Ալեքսեյ Գոնչարենկոն՝ տեղեկությունը տարածելով Telegram-ում։

Պատգամավորի տվյալներով՝ ԱԱՊԽ քարտուղարի պաշտոնը առաջարկվել է նաև Ուկրաինայի անվտանգության ծառայության նախկին ղեկավար Վասիլի Մալյուկին, սակայն վերջինս հրաժարվել է այդ առաջարկից։ Նշվում է, որ Զելենսկին այս կերպ փորձում է վերաձևակերպել անվտանգության բլոկի ներսում դերաբաշխումը՝ պահպանելով Ումերովին իր անմիջական շրջապատում։

Ավելի վաղ Զելենսկին մի շարք կադրային փոփոխություններ է իրականացրել ուժային կառույցներում․ ազատել է հակաահաբեկչական կենտրոնի ղեկավար Սերգեյ Անդրուշչենկոյին և այդ պաշտոնում նշանակել է ռազմական հակահետախուզության նախկին ղեկավար Ալեքսանդր Դուբրովինին։ Բացի այդ, նա պաշտոնանկ է արել ՍԲՈւ փոխնախագահ Ալեքսանդր Պոկլադին՝ նրան միաժամանակ նշանակելով ծառայության առաջին փոխնախագահ։