Եվրոպական երկրները արձագանքել են ԱՄՆ հավակնություններին Գրենլանդիայի նկատմամբ
Աշխարհ
Եվրոպական մի շարք երկրներ հայտարարել են, որ Գրենլանդիայի ապագայի վերաբերյալ որոշումներ ընդունելու իրավունք ունեն միայն Դանիան և հենց Գրենլանդիան։ Այդ դիրքորոշմամբ հանդես են եկել Ֆրանսիան, Գերմանիան, Իտալիան, Լեհաստանը, Իսպանիան, Մեծ Բրիտանիան և Դանիան՝ ի պատասխան ԱՄՆ կողմից հնչեցվող հավակնությունների։ Հայտարարության մասին հայտնում է РИА Новости-ն։
Եվրոպական երկրների առաջնորդները ընդգծել են, որ Գրենլանդիան պատկանում է իր ժողովրդին, և կղզու ապագային վերաբերող բոլոր հարցերը պետք է լուծվեն բացառապես Դանիայի և Գրենլանդիայի կողմից։ Նրանք նաև նշել են, որ Արկտիկայի անվտանգության ապահովումը պետք է իրականացվի համատեղ ջանքերով՝ ՄԱԿ-ի կանոնադրության հիման վրա, որը նախատեսում է տարածքային ամբողջականության և սահմանների անձեռնմխելիության սկզբունքներ։
Հունվարի 4-ին ԱՄՆ նախագահ Դոնալդ Թրամփը հայտարարել էր, որ Գրենլանդիան անհրաժեշտ է ԱՄՆ ազգային շահերի համար։ Դրանից հետո Դանիայի վարչապետ Մետտե Ֆրեդերիկսենը անվանել էր անիմաստ Գրենլանդիայի հնարավոր զավթման մասին խոսակցությունները և կոչ արել դադարեցնել սպառնալիքները Դանիայի հասցեին՝ որպես «պատմականորեն մերձավոր դաշնակցի»։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
