«Интерфакс»․ ԱՄՆ-ը Եվրոպայում տեղակայել է մոտ 100 արդիականացված միջուկային ավիառումբ

ԱՄՆ-ը Եվրոպայի ռազմակայաններում տեղակայել է մոտ 100 միավոր արդիականացված տակտիկական միջուկային ավիառումբ B61-12։ Այդ մասին հայտնում է Интерфакс-ը՝ հղում անելով Bulletin of the Atomic Scientists-ի և Federation of American Scientists-ի տվյալներին։

Տեղեկատվության համաձայն՝ Գերմանիայի, Բելգիայի, Նիդերլանդների և Իտալիայի ավիաբազաներում գտնվում է յուրաքանչյուրում մոտ 10–15 միջուկային ավիառումբ, իսկ Իտալիայում և Թուրքիայում՝ շուրջ 20–30 միավոր։ Այդ զինատեսակները կարող են կրել F-35A, F-15E, F-16 և Tornado մարտական ինքնաթիռները։

Նշվում է, որ B61-12 ավիառումբերը փոխարինել են նախորդ B61-3, B61-4, B61-7 և B61-10 տարբերակներին։ Նոր մոդիֆիկացիան ունի ավելի փոքր հզորություն՝ 0,3-ից 50 կիլոտոննա, սակայն աչքի է ընկնում բարձր ճշգրտությամբ և կառավարվելիությամբ։ Այդ ռումբերը հնարավոր է նետել մեծ բարձրությունից՝ առանց պարաշյուտի, ինչից հետո դրանք ինքնուրույն պլանավորում են դեպի թիրախը՝ անհրաժեշտության դեպքում փոխելով ուղին։

Փորձագետները չեն բացառում, որ ԱՄՆ-ը ևս 15–20 միավոր B61-12 կարող է տեղակայած լինել Մեծ Բրիտանիայի Լեյքենհիթ ավիաբազայում։ Ավելի վաղ հաղորդվել էր նաև, որ Վաշինգտոնը հաստատել է բարձր ճշգրտության զինատեսակների վաճառքը մի շարք դաշնակից երկրներին՝ ընդլայնելով ռազմական համագործակցությունը ՆԱՏՕ-ի շրջանակում։