Օրբանը կտրուկ է արձագանքել Ուկրաինայի՝ 800 միլիարդ դոլարի պահանջին

Հունգարիայի վարչապետ Վիկտոր Օրբանը խիստ քննադատությամբ է արձագանքել Ուկրաինայի դիմումին՝ առաջիկա 10 տարիների ընթացքում Արևմուտքից 800 միլիարդ դոլար ֆինանսական աջակցություն ստանալու վերաբերյալ։ Այդ մասին հայտնում է РИА Новости-ն՝ փոխանցելով, որ Օրբանը այդ գումարը անվանել է «ապշեցուցիչ»։

Վարչապետի խոսքով՝ Ուկրաինայի ներկայացրած պահանջը գրեթե չորս անգամ գերազանցում է Հունգարիայի տարեկան համախառն ներքին արդյունքը։ Նա նշել է, որ Կիևը ներկայացրել է «նոր հաշիվ», որով փորձում է ապահովել պետության գործունակությունը առաջիկա տասնամյակում՝ ընդգծելով, որ նման ծավալի աջակցությունը լուրջ բեռ է Եվրոպայի համար։

Օրբանը նաև հայտարարել է, որ Բրյուսելը ռուսական սառեցված ակտիվների յուրացման ծրագիր է դիտարկել հենց Ուկրաինային տրամադրվելիք օգնության ծավալների պատճառով, և այդ հարցը կարող է ազդել ԵՄ հաջորդ բյուջեի վերանայման վրա։ Վերջում նա կոշտ արտահայտությամբ ամփոփել է իր միտքը՝ նշելով, որ «ուկրաինական հոմունկուլը ուտելու է խնդրում»։ Ավելի վաղ Օրբանը զգուշացրել էր, որ Ուկրաինային նման աջակցությունը կարող է ծանր հետևանքներ ունենալ եվրոպական երկրների սեփական քաղաքացիների համար։