Իրանում հերքել են ցուցարարների կողմից Մալեքշահիի և Աբդանանի գրավման մասին տեղեկությունները

Իրանական Tasnim և Mehr լրատվական գործակալությունները հերքել են արևմտյան լրատվամիջոցների հաղորդագրություններն այն մասին, որ ցուցարարները վերահսկողություն են հաստատել Մալեքշահի շրջանի և Իսլամական Հանրապետության արևմտյան մասում գտնվող Աբդանան քաղաքի նկատմամբ։ Այս մասին հաղորդվել է գործակալությունների կայքերում։

«Մալեքշահիում մի քանի լարված ժամերից հետո, շնորհիվ շրջանում անվտանգության ուժերի ներկայության, իրավիճակը լիովին կարգավորվել է», - հաղորդում է Tasnim-ը։