ԱՄՆ-ում հայտարարել են Ռուսաստանի՝ Վենեսուելան Ուկրաինայի հետ «փոխանակելու» ենթադրյալ առաջարկի մասին

Դոնալդ Թրամփի առաջին ժամկետի ընթացքում ռուս պաշտոնյաները նշել են, որ պատրաստ են թույլ տալ Վաշինգտոնին ազատորեն հետապնդել իր շահերը Վենեսուելայում, եթե Միացյալ Նահանգները թույլ տա Մոսկվային նույնը անել Ուկրաինայում: Այս մասին հայտարարել է Թրամփի նախկին խորհրդական Ֆիոնա Հիլը 2019 թվականի Կոնգրեսի լսումների ժամանակ, գրում է Associated Press-ը։

«Ռուսները բազմիցս առաջ են քաշել «Վենեսուելայի և Ուկրաինայի միջև շատ տարօրինակ փոխանակման» գաղափարը», - ասել է Հիլը 2019 թվականի Կոնգրեսի լսումների ժամանակ: Նրա մեկնաբանությունները կրկին հայտնվել են այս շաբաթ և տարածվել սոցիալական ցանցերում՝ Մադուրոյին բռնելու ԱՄՆ գաղտնի գործողությունից հետո», - ասվում է տեքստում։

Հիլի խոսքով՝ Մոսկվան այս գաղափարը տարածել է մամուլի միջոցով՝ հղում անելով Մոնրոյի դոկտրինային: Այս դոկտրինը նշում է, որ Եվրոպան չի միջամտում Լատինական Ամերիկայի գործերին, իսկ Վաշինգտոնը՝ Եվրոպայի գործերին։