Իրանի փոխարտգործնախարարը Երևանում կմասնակցի քաղաքական խորհրդակցությունների նիստին

Իրանի փոխարտգործնախարար Մաջիդ Թախտ Ռավանչին այսօր՝ հունվարի 7-ի երեկոյան, կայցելի Երևան՝ քաղաքական խորհրդակցությունների համատեղ նիստ անցկացնելու համար: Այս մասին գրում է IRNA-ն։

Ըստ IRNA -ի, այս ուղևորության ընթացքում, երկու երկրների արտաքին գործերի նախարարների տեղակալների միջև քաղաքական խորհրդակցությունների հանդիպումից բացի, հանդիպումներ կանցկացվեն նաև մի շարք այլ բարձրաստիճան հայ պաշտոնյաների հետ՝ երկու երկրների միջև տնտեսական, առևտրային, տարանցիկ, տրանսպորտային և մշակութային ոլորտներում համագործակցության վերաբերյալ խորհրդակցություններ անցկացնելու նպատակով։

Այդ հանդիպումների ընթացքում կքննարկվեն Կովկասյան տարածաշրջանում կարևոր զարգացումները, ինչպես տարածաշրջանում խաղաղության և անվտանգության պահպանման գործում համագործակցությունը։