Թրամփը ցանկանում է վերականգնել Ալկատրասի բանտը

ԱՄՆ նախագահ Դոնալդ Թրամփը Կոնգրեսից 152 միլիոն դոլար է խնդրել Ալկատրասի բանտը վերակառուցելու համար, հաղորդում է The New York Times-ը։

Նշվում է, որ Ալկատրասն այժմ հայտնի զբոսաշրջային տեսարժան վայր է։ Թրամփը, սակայն, ցանկանում է վերակառուցել Ալկատրասը՝ որպես վտանգավոր կալանավորների համար նախատեսված առավելագույն անվտանգության բանտ։

Լրագրողները հայտնում են, որ կղզին, որտեղ գտնվում է նախկին բանտը, չունի կոյուղի կամ հոսող ջուր։

«Կղզու մեծ մասը, որը հայտնի է՝ որպես «Ժայռ», ծածկված է թռչունների կղանքով։ Բոլոր անհրաժեշտ պարագաները պետք է բերվեն նավակով», - նշվում է հրապառակման մեջ։