Մախաչևը բացատրել է՝ ինչու չի կայացել Թոփուրիայի հետ մենամարտը Սպիտակ տանը
Սպորտ
UFC-ի կիսամիջին քաշային կարգի չեմպիոն Իսլամ Մախաչև-ը հայտարարել է, որ Իլիա Թոփուրիայի հետ նախատեսված մենամարտը Սպիտակ տանը չի կայացել ֆինանսական պահանջների պատճառով։ Մարզիկը X սոցիալական հարթակում նշել է, որ ինքը համաձայնել էր առաջարկին, սակայն հանդիպումը տապալվել է մրցակցի կողմից ներկայացված բարձր հոնորարի պատճառով։
Մախաչևի խոսքով՝ հաջորդ օրը իրեն տեղեկացրել են, որ Թոփուրիան պահանջել է «անիրատեսական» վարձատրություն, ինչը չի ընդունվել UFC-ի կողմից, և արդյունքում մենամարտը չեղարկվել է։ Նա նաև նշել է, որ հոգնել է Թոփուրիայի կողմից տարածվող «կեղծ պատմություններից», որոնցում իսպանացի մարտիկը մեղադրում էր իրեն՝ վնասվածքի պատճառով մենամարտից խուսափելու մեջ։
Միևնույն ժամանակ Դանա Ուայթը հրապարակայնորեն հերքել է, որ նման մենամարտի վերաբերյալ վերջնական պայմանավորվածություն եղել է։ UFC-ի հատուկ մրցաշարը Սպիտակ տանը նախատեսված է անցկացնել 2026 թվականի հունիսի 14-ին՝ ԱՄՆ-ում նշվող Դրոշի օրվա և Դոնալդ Թրամփի ծննդյան 80-ամյակի շրջանակում։ Ըստ ծրագրի՝ օկտագոնը կտեղադրվի հենց Սպիտակ տան տարածքում։
ՈՒՂԻՂ ԵԹԵՐ
Ամենադիտված 
«Ակնկալում ենք հրապարակային պարզաբանում և ներողություն». Բելգիայի հայ համայնքը վիրավորվել ու հիասթափվել է Վաչե Թովմասյանից
