ԱՄՆ-ում հնչել է անսպասելի հայտարարություն Ուկրաինայի մասին

ԱՄՆ փոխնախագահ Ջեյ Դի Վենսը հայտարարել է, որ Վաշինգտոնը տեղեկություններ ունի ուկրաինական հատուկ ծառայությունների կողմից ԱՄՆ-ում և Հունգարիայում ընտրությունների վրա ազդելու փորձերի մասին։ Նա այս մասին խոսել է Հունգարիայի վարչապետ Վիկտոր Օրբան-ի հետ համատեղ մամուլի ասուլիսի ժամանակ։

Վենսի խոսքով՝ նման գործողությունները կապված են ուկրաինական համակարգի առանձնահատկությունների հետ։ Նա նշել է, որ խոսքը վերաբերում է հատուկ ծառայությունների ներսում առկա առանձին խմբերի գործունեությանը։

Ավելի վաղ նույն ասուլիսի ընթացքում Վենսը նաև հայտարարել էր, որ Ուկրաինայում հակամարտության հնարավորինս արագ կարգավորումը համապատասխանում է բոլոր կողմերի շահերին։