ԱՄՆ-ի համար վտանգավոր շրջադարձի նախազգուշացում

ԱՄՆ նախկին բարձրաստիճան պաշտոնյա Ջո Քենթը զգուշացրել է, որ Վաշինգտոնը կարող է կորցնել իր գերտերության դիրքը՝ Դոնալդ Թրամփի քաղաքականության հետևանքով։

Նրա խոսքով՝ եթե ԱՄՆ-ը գնա Իրանի նկատմամբ առավել կոշտ քայլերի, այն կդադարի ընկալվել որպես գլոբալ կայունացնող ուժ և կդառնա անկայունության աղբյուր։ Քենթը նշել է, որ նման զարգացումը կարող է լրջորեն վնասել երկրի հեղինակությանը և գլոբալ դիրքերին։

Նա նաև կոչ է արել կենտրոնանալ բանակցությունների վրա՝ ընդգծելով, որ իրավիճակը դեռ հնարավոր է վերահսկել, սակայն հակառակ դեպքում դա կարող է ունենալ լուրջ հետևանքներ թե՛ ԱՄՆ-ի տնտեսության, թե՛ ամբողջ միջազգային համակարգի համար։