ԱՄՆ-ն կարգելափակի նավերի մուտքը Իրանի նավահանգիստներ

ԱՄՆ նախագահ Դոնալդ Թրամփը TruthSocial սոցիալական ցանցում հայտարարել է, որ Միացյալ Նահանգները կարգելափակի Իրանի նավահանգիստներ մտնող կամ դուրս եկող նավերը։

Ամերիկացի առաջնորդի խոսքով՝ այս միջոցառումները նախատեսվում է իրականացնել ապրիլի 13-ին՝ ժամը 10:00-ին (Երևանի ժամանակով՝ 18:00-ին)։

Դրանից կարճ ժամանակ առաջ ԱՄՆ Կենտրոնական հրամանատարությունը հայտարարել է Իրանի լիակատար ծովային շրջափակում կիրառելու մտադրության մասին։ CENTCOM-ը ընդգծել է, որ միջոցառումները կվերաբերեն բոլոր նավերին՝ անկախ ազգությունից, որոնք մտնում կամ դուրս են գալիս Իրանի նավահանգիստներ։