Թրամփի վարչակազմը քննարկում է Իրանին հարվածները վերսկսելու հնարավորությունը․ WSJ

ԱՄՆ նախագահ Դոնալդ Թրամփը և նրա խորհրդականները քննարկում են Իրանի վրա սահմանափակ հարվածները վերսկսելու հնարավորությունը այն բանից հետո, երբ Իսլամաբադում բանակցությունները փակուղի մտան, հաղորդում է The Wall Street Journal-ը՝ հղում անելով աղբյուրներին։

Վաշինգտոնը նաև ուսումնասիրում է Իրանի վրա լիարժեք ռմբակոծությունները վերսկսելու հնարավորությունը։ Սակայն անանուն պաշտոնյաները նշում են, որ այս տարբերակը քիչ հավանական է, քանի որ այն վտանգում է տարածաշրջանի անկայունացումը և երկիրը ներքաշում է երկարատև զինված հակամարտության մեջ։

Սպիտակ տունը կարող է նաև դիմել ժամանակավոր շրջափակման՝ միաժամանակ ճնշում գործադրելով դաշնակիցների վրա՝ ստանձնելու Հորմուզի նեղուցով ռազմական ուղեկցման առաքելություններ իրականացնելու պատասխանատվությունը։