Թրամփի ուղերձը Իրանի զոհված դեռահասի ընտանիքին․ «Ձայնը վերջապես լսվեց»

ԱՄՆ նախագահ Դոնալդ Թրամփը անձնական ցավակցական նամակ է ուղարկել Իրանում զոհված 17-ամյա դեռահասի ընտանիքին։ Այս մասին հայտնում է New York Postը՝ հղում անելով ԱՄՆ-ում բնակվող իրանահայազգի Մաջիդ Մոգադասիին, որի եղբորորդին՝ Էրֆան Ֆարաջին, սպանվել է հունվարի 8-ին հակակառավարական բողոքների ընթացքում Իրանում։

Մոգադասին պատմել է, որ Թրամփի նամակը մեծ հուզմունք է առաջացրել իր մեջ՝ նշելով, որ այդ պահին զգացել է՝ իր եղբորորդու ձայնը վերջապես լսվեց։ Նա դիմել էր Սպիտակ տուն դեպքից ընդամենը երկու օր անց և արդեն հունվարի 13-ին ստացել պատասխան։

Թրամփը իր նամակում ընդգծել է, որ իր վարչակազմը «ամեն ինչ անում է, որպեսզի այաթոլլան և նրա արյունոտ ռեժիմը պատասխանատվության ենթարկվեն»։ Նա նաև խոստացել է շարունակել աջակցել Իրանի ժողովրդին՝ ազատության և ժողովրդավարության համար պայքարում։ Ավելի վաղ հաղորդվում էր, որ Իրանում հունվարի 8-9-ի բողոքների ընթացքում զոհերի թիվը կարող էր գերազանցել 30 հազարը։