Զելենսկին պահանջում է վերադարձնել Հունգարիայի կողմից առգրավված միլիոնները

Ուկրաինայի նախագահ Վլադիմիր Զելենսկիը հայտարարել է, որ Կիևը ցանկանում է, որպեսզի Հունգարիան վերադարձնի Օշչադբանկի ինկասատորներից առգրավված միջոցները։ Նրա խոսքով՝ այս հարցը քննարկվելու է նաև Հունգարիայում ընտրություններում հաղթած «Տիսա» կուսակցության առաջնորդ Պետեր Մադյարի հետ։

Զելենսկին կոշտ ձևակերպումներով նշել է, որ այդ գումարները պետք է վերադարձվեն՝ մեղադրելով Հունգարիայի վարչապետ Վիկտոր Օրբանին դրանց յուրացման մեջ։ Նրա հայտարարությունը հրապարակվել է «Новости.Live» հարթակում։

Դեպքը տեղի է ունեցել մարտի 6-ին, երբ Հունգարիայում ձերբակալվել էին ուկրաինական ինկասատորներ, որոնք Ավստրիայից տեղափոխում էին շուրջ 40 միլիոն դոլար, 35 միլիոն եվրո և 9 կիլոգրամ ոսկի։ Ավելի ուշ Բուդապեշտը Կիևին վերադարձրել է միայն դատարկ ինկասատորական մեքենաները՝ պահելով դրամական միջոցներն ու ոսկին երկրի տարածքում։