Լավրով. Եվրոպայում քննարկվում է Ուկրաինայի մասնակցությամբ նոր ռազմական դաշինքի ստեղծում

Ռուսաստանի արտաքին գործերի նախարար Սերգեյ Լավրովը հայտարարել է, որ ՆԱՏՕում առկա ճգնաժամի ֆոնին Եվրոպայում ավելի հաճախ են հնչում նոր ռազմական դաշինք ստեղծելու կոչեր։ Նրա խոսքով՝ խոսքը վերաբերում է միավորի ձևավորմանը, որը կարող է ներառել Եվրոպական միությունը, Մեծ Բրիտանիան, Նորվեգիան և Ուկրաինան։

Լավրովը նշել է, որ նման գաղափարները հնչում են տարբեր պաշտոնական աղբյուրներից, սակայն չի հստակեցրել, թե կոնկրետ որ քաղաքական գործիչների կամ կառույցների մասին է խոսքը։ Նա այս հայտարարությունն արել է ՀԱՊԿ խորհրդարանական վեհաժողովի խորհրդի նիստում։

Ավելի վաղ Իտալիայի վարչապետ Ջորջա Մելոնին հայտարարել էր, որ Եվրամիությունը պետք է ինքնուրույն ձևավորի իր անվտանգության համակարգը ՆԱՏՕ-ի շրջանակներում՝ առանց ԱՄՆ շահերը առաջնային համարելու։ Նրա խոսքով՝ ԵՄ-ն արդեն ցույց է տվել, որ պատրաստ է կոշտ արձագանքել Վաշինգտոնի գործողություններին՝ այդ թվում տնտեսական և տարածքային հարցերում։