Մեծ համագործակցության նոր հեռանկարներ

Այսօր ՀՀ ԱԻ նախարարության աշխատակազմի ղեկավար Հ. Հակոբյանն ընդունել է Վրաստանում Ֆրանսիայի Հանրապետության դեսպանատան անվտանգության հարցերով կցորդ Ստեֆան Ռոպերսին և ՀՀ-ում Ֆրանսիայի դեսպանի խորհրդական Իզաբել Գինելին։

Հանդիպման նպատակն էր ամփոփել կատարված աշխատանքներն ու նախանշել այս տարվա ընթացքում հայ-ֆրանսիական համագործակցության շրջանակներում իրականացվելիք ծրագրերը:

Քննարկվեցին ինստիտուցիոնալ համագործակցության, քաղպաշտպանության, հայ-ֆրանսիական համատեղ ուսումնավարժություն կազմակերպելու հարցերը։

Նշվեց ՀՀ ԱԻ նախարարի հանձնարարականը` սերտացնել համագործակցությունը Հայաստանում գործող բոլոր դեսպանությունների և միջազգային կազմակերպությունների գրասենյակների հետ` ապահովելու նրանց աշխատակիցների անվտանգությունը։

Պարոն Ռոպերսը նաև նշեց, որ մոտ ապագայում իրենք ցանկանում են ԱԻ նախարարությանը ներկայացնել Ֆրանսիայի ներքին գործերի նախարարությանը տեխնիկական միջոցներ մատակարարող ընկերության արտադրանքը: