Վրաց վարչապետ Իվանիշվիլին ադրբեջանցի է փնտրում՝ նախարարի պաշտոնում նշանակելու համար

Վրաստանի վարչապետ Բիձինա Իվանիշվիլին նախարարի թեկնածուի համար ադրբեջանցի է փնտրում: Այս մասին հայտարարել է Իվանիշվիլին չորեքշաբթի օրը` պատասխանելով Թբիլիսիում ադրբեջանցի լրագրողների հարցին:

«Ես խոստացել եմ, որ մեր հայրենակից ադրբեջանցիների շարքից կգտնեմ մեկին, ով կզբաղեցնի վարչապետի խորհրդականի կամ օգնականի պաշտոնը, սակայն մենք որոշեցինք ավելի հեռուն գնալ և նախարարի պաշտոնում նշանակել մեր ադրբեջանցիներից մեկին»,-ասել է նա:

Իվանիշվիլին նշել է, որ համապատասխան թեկնածու է փնտրում: