Իրանում աճում է երկրաշարժից տուժածների թիվը

Առնվազն 16 մարդ է վիրավորվել Իրանի արեւմտյան շրջանում տեղի ունեցած երկրաշարժի հետևանքով: Ավելի վաղ հաղորդվել էր չորս տուժածների մասին, տեղեկացնում է «Արմենպրես»-ը:

5,5 մագնիտուդով երկրաշարժը հոկտեմբերի 15-ին տեղի է ունեցել Դիզֆուլ քաղաքից 59 կիլոմետր հյուսիս-արևմուտք ընկած շրջանում՝ Իրաքի հետ սահմանից ոչ հեռու: Ճշտված տվյալների համաձայն՝ երկրաշարժի օջախը գտնվում էր 10 կիլոմետր խորության վրա: Ստորգետնյա ցնցումները գրանցվել են տեղական ժամանակով ժամը 17:05-ին:

Ինչպես ասված է Իրանում Կարմիր խաչի միջազգային ընկերության հաղորդագրության մեջ, երկրաշարժի հետևանքով առավել շատ տուժել են Աբդանան և Դեհլորան քաղաքները, հաղորդել է ՌԻԱ «Նովոստին»: