Հայաստանը 2016-ին կհյուրընկալի «Ինչ, որտեղ, երբ» ինտելեկտուալ խաղի աշխարհի առաջնությունը

«Ինչ, որտեղ, երբ» ինտելեկտուալ խաղի աշխարհի առաջնությունը 2016 թվականին անցկացվելու է Հայաստանում ՀՀ նախագահի բարձր հովանու ներքո: Այս մասին լրագրողների հետ հանդիպման ժամանակ հայտարարեց ՀՀ կրթության և գիտության նախարար Արմեն Աշոտյանը: «Հայաստանը հայտ էր ներկայացրել «Ինչ, որտեղ, երբ» խաղի միջազգային ասոցիացիային, որ հաջորդ տարի Հայաստանում անցկացվի խաղի աշխարհի չեմպ իոնատը: Այն ամենակարևոր միջոցառումն է միջազգային ինտեկելտուալ շարժման մեջ, որը պատիվ է բերում այն երկրին, որտեղ կազմակերպվում է' և քարոզչական, և քաղաքական, և տեղեկատվական հոսքերում հայտնվելու առումով: Մենք դիմել էինք ակումբների միջազգային ասոցիացիային և օրեր առաջ ստացել ենք ասոցիացիայի նախագահ Կազլովի կողմից գրավոր հաստատում առ այն, որ Գիտակների հայկական ասոցիացիայի հայտը 2016 թվականին աշխարհի առաջնությունը Հայաստանում, մասնավորապես, Ծաղկաձորում անցկացնելու հետ կապված, դիտարկվել է ու նախագահության կողմից հաստատվել»,-«Արմենպրես»-ի փոխանցմամբ' ասաց Արմեն Աշոտյանը:

Նախարարը հայտնեց, որ հայաստանյան կողմից կազմակերպչական աշխատանքների համակարգողը կլինի ինքը, Գիտակների հայկական ասոցիացիայի նախագահ Տիգրան Քոչարյանը կզբաղվի գործադիր հարցերով: «Մենք միասին կաշխատենք միջազգային ասոցիացիայի հետ, որտեղ ևս կլինի համակազմակերպիչ կոմիտե: Մի քանի շաբաթ հետո կժամանեն մեր գործընկերները, որ տեղում ծանոթանան կազմակերպչական աշխատանքներին, ծաղկաձորյան հյուրանոցի հնարավորություններին: Մենք սեպտեմբերի 3-4-ից սկսում ենք նախապատարվստվել «Ինչ, որտեղ, երբ» խաղի աշխարհի առաջնությանը»,-տեղեկացրեց Արմեն Աշոտյանը' հույս հայտնելով ստանալ նաև հայկական լրատվամիջոցների աջակցությունը նմանատիպ կարևոր միջոցառման լուսաբանման առումով:

Նախարարը նշեց, որ Տիգրան Քոչարյանի հետ պատրաստվում են նոյեմբերին ներկա գտնվել խաղի աշխարհի այս տարվա առաջնությանը, որն անցկացվելու է Վրաստանում:

Նախարարի խոսքով' հայկական կողմին ընձեռվեց հնարավորություն առաջնությունն այստեղ անցկացնելու, քանի որ վերջին տարիներին Հայաստանում նոր թափ է ստանում ինտելեկտուալ շարժում, ինչին նպաստում է նաև ՀՀ կառավարության աջակցությունը: «Հայաստանում ինտեկելտուալ շարժումը վերջին տասը տարիներին գտնվում է ՀՀ կառավարության հովանու ներքո: Բյուջետային հատկացումներ ու ծրագրավորված նպատակային աշխատանք է տարվում ինտելեկտուալ շարժումը քարոզելու և ավանդական դարձնելու համար: Հայաստանում աճում է ինտելեկտուալների նոր սերունդ»,-ընդգծեց Արմ են Աշոտյանը:

Գիտակների հայկական ասոցիացիայի նախագահ Տիգրան Քոչարյանի խոսքով' վերջին տարիներին հետևողական աշխատանք է տարվել, ինչի վկայությունը միջազգային ասպարեզում գրանցված հաջողություններն են: «Բացի նրանից, որ Դիլիջանյան խաղերի միջազգային փոռատոնը անցյալ տարի ճանաչվել է լավագույնը, նաև ասոցիացիան ներկայացնող գիտակներից մեկի հարցը ճանաչվել է լավագույնը: Անցյալ տարի մեր թիմերից մեկը «Brain ring»-ի աշխարհի առաջնությունում դարձավ փոխչեմպիոն: Ուզում եմ շեշտել, որ խաղը ռուսալեզու է, բայց վերջին տարիներին շեշտը դրվել է նա և հայալեզու հատվածը զարգացնելու վրա: Այսօր կարող եմ ասել, որ Գիտակների հայկական ասոցիացիայի կողմից կազմակերպվող միջոցառումների մեծ մասը հայերենով է»,-ասաց Տիգրան Քոչարյանը: Նա կարևորեց հանգամանքը, որ 15 տարվա ընդմիջումից հետո հայաստանցի գիտակ Հայկ Գազազյանը ներգրավվել է Մոսկվայի էլիտար ակումբում և իր խաղով ապացուցել է, որ Հայաստանի գիտակներն ունեն այդ ներուժը:

Հանդիպմանը ներկա էր նաև Գիտակների հայկական ասոցիացիայի անդամ Նուիխ թիմի ավագ Էդգար Մարկոսյանը: Նրանք օրեր առաջ հաղթել են խոշոր ինտեկելտուալ փառատոնում' «Սևծովյան բաց գավաթ» առաջնությունում «Brain ring» խաղում' դառնալով գավաթակիր: Այդ առաջնությանը մասնակցել են 10-12 երկրների մոտ 50 թիմեր: «Բարեբախտաբար, կարողացանք հաղթել մրցաշարում երկու վրացական, մեկ գերմանական և եզրափակչում մեկ ադրբեջանական թիմի: Այս մրցանակը մեզ համար միջազգային մրցաշարերում առաջինն էր: Հուսով ենք, որ այլ մրցանականեր կարող ենք ձեռ ք բերել միջազգային ասպարեզներում»,-ասաց Էդգար Մարկոսյանը: Նա տեղեկացրեց, որ հաջորդ տարի իրենց թիմը կներկայացնի Հայաստանը «Brain ring»-ի աշխարհի առաջնությանը: