Ռյա Թազա գյուղի մոտակայքում «Տոյոտա Դոջ» է կողաշրջվել. վարորդի վիճակը ծայրահեղ ծանր է

Սեպտեմբերի 20-ին, ժամը 20.02-ին տեղեկություն է ստացվել, որ Արագածոտնի մարզի Ռյա Թազա գյուղի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Տոյոտա Դոջ» մակնիշի 195 LS 47 պետհամարանիշով ավտոմեքենան (վարորդ' 1969 թ. ծնված Վ. Հ.) ճանապարհի երթևեկելի հատվածում կողաշրջվել է:

Մինչ հրշեջ-փրկարարների կանչի վայր հասնելը' Վ. Հ.-ը հոսպիտալացվել է Ապարան քաղաքի ԲԿ, որտեղ բժիշկները տուժածի առողջական վիճակը գնահատել են ծայրահեղ ծանր:

Հրշեջ-փրկարարները հոանքազրկել են ավտոմեքենան և փակել գազի բալոնի փականը: