Սա առաջին դեպքն է, երբ իմ գալուց հետո «Արսենալ»-ի երկրպագուները չեն լացում. Մոուրինյու

«Մանչեսթեր Յունայթեդ»-ի գլխավոր մարզիչ Ժոզե Մոուրինյուն անդրադարձել է Անգլիայի առաջնության 36-րդ տուրում «Արսենալ»-ից կրած 2:0 հաշվով պարտությանը և նշել.

«Հիասթափված եմ արդյունքից, այլ ոչ թե խաղից: Խաղը, ընդհակառակը, ինձ դուր եկավ`  ինչպես թիմային աշխատանքը, այնպես էլ մի քանի ֆուտբոլիստների ցուցադրած խաղը:  Պարտվեցինք, որովհետև գոլ չխփեցինք: Մենք 0:0 հաշվի ժամանակ ունեցանք շատ լավ հնարավորություններ, բայց դրանք բաց թողեցինք, մրցակցի բախտը բերեց առաջին գոլի ժամանակ:

Սա առաջին դեպքն է, երբ «Արսենալ»-ի՝ մարզադաշտ դուրս գալուց հետո երկրպագուներն ուրախանում են:

Նախկինում այսպես էր. ես հեռանում եմ «Հայբերի»-ից, նրանք լացում են, ես հեռանում եմ «Էմիրեյտթս»-ից, նրանք լացում են: Նախկինում նրանք փողոցով քայլում էին տխուր, այսօր երգում են: «Արսենալ»-ը մեծ ակումբ է: Մտածում եք ինձ համար հաճելի՞ է տեսնել, որ նման մեծագույն ակումբը տիտղոս չի նվաճում, անկեղծ` ոչ:

Արսեն Վենգերը յուրօրինակ և մեծագույն մարզիչ է:

Խաղի ժամանկ ինձ դուր չեկավ այն, ինչը միշտ դուր չի գալիս. նա շատ հաճախ էր ճնշում գործադրում պահեստային մրցավարի վրա», – Մոուրինյուի խոսքը մեջբերում է  Sky Sports-ը: