Եվրոպայի լիգա. «Փյունիկ»-ը պարտվեց խոշոր հաշվով

Երևանի «Փյունիկ»-ը պարտությամբ մեկնարկեց Եվրոպայի լիգայի որակավորման փուլում:

Առաջին տուրում Երևանի թիմը Հանրապետական մարզադաշտում հյուրընկալեց «Սլովան»-ին:

Հյուրերը առավելության հասան 4:1 հաշվով:

Մեկնարկից 8 րոպե անց Պետրոս Ավետիսյանը դիպուկ իրացրեց նշանակված 11 մետրանոց հարվածը:

22-րդ րոպեին հյուրերի կազմում հաշիվը հավասարեցրեց Ֆիլիպ Գոլոշկոն: 62-րդ րոպեին Սավիչևիչը հաշիվը դարձրեց 2:1:, 6 րոպե անց Գոլոշկոն խփեց իր երկրորդ գոլը: 75-րդ րոպեին Արամ Շահնազարյանը գրավեց սեփական դարպասը: