63 միլիարդ դրամ ոստիկանությանը, 20 միլիարդ էլ՝ ԱԱԾ-ին

Ազգային ժողովում շարունակվում է 2016 թվականի բյուջեի կատարողական քննարկումը ԱԺ մշտական հանձնաժողովների հետ:

Ֆինանսների նախարարի տեղաակալ Ատոմ Ջանջուղազյանը, ներկայացնելով հաշվետու տարվա ընթացքում պետական գանձարանից հատկացված գումարների չափն ու իրականացված միջոցառումները, նշեց, որ ՀՀ արտակարգ իրավիճակների նախարարությունն օգտագործել է 11միլիարդ դրամ, իրականացրել է 21 ծրագիր, որից փրկարար ծառայության համար հատկացվել է 7 միլիարդ դրամ:

Ոստիկանության կողմից հաշվետու տարում օգտագործվել է 63 միլիրադ դրամ և իրականացվել է 13 ծրագիր: 

ՃՈ կողմից 12 միլիարդ դրամ է օգտագործվել՝ ապահովելով 97 տոկոս կատարողական: 

Ինչպես ներկայացրեց ֆինանսների նախարարի տեղակալը, 2016 թվականին պետական բյուջեից Ազգային անվտանգության ծառայությանը հատկացվել է 20 միլիարդ դրամ, որն ըստ իրականացված ծրագրերի՝ ապահովել է 97 տոկոս կատարողական: