Պորտուգալիան հաղթեց Կոնֆեդերացիաների գավաթի երրորդ տեղի համար պայքարում (տեսանյութ)

Կոնֆեդերացիաների գավաթի խաղարկության երրորդ տեղի համար պայքարում Պորտուգալիայի և Մեքսիկայի հավաքականները հանդիպեցին միմյանց:

Խաղի հիմնական ժամանակն ավարտվեց 1:1 հաշվով: Լուիշ Նետուն 50-րդ րոպեին գրավեց սեփական դարպասը, 90-րդ րոպեին հաշիվը 1:1 դարձրեց Պեպեն:

Արդյունքում մրցանակակիրը որոշվեց լրացուցիչ ժամանակում:

105-րդ րոպեին Ադրիան Սիլվան անվրեպ իրացրեց 11 մետրանոցը՝ հաղթանակ բերելով պորտուգալացիներին:

Նշենք, որ թիմերը խաղն ավարտեցին 10-ական ֆուտբոլիստով. 106-րդ րոպեին երկրորդ դեղինը ստացավ և դաշտից հեռացվեց Նելսոն Սեմեդուն, իսկ 102-րդ րոպեին հեռացվեց նաև Ռաուլ Խիմենեսը: