Գյումրեցի նորակոչիկները մեկնեցին ծառայության

Հանրապետությունում մեկնարկել է Հայաստանի զինված ուժերի 2017 թվականի ամառային զորակոչը: Հուլիսի 2-ին  Գյումրու «Մայր Հայաստան» հուշահամալիրի տարածքից բարձր տրամադրությամբ, երգ ու պարով ծնողներն ու  հարազատները ծառայության ճանապարհեցին իրենց որդիներին:

Մինչ մեկնումը Գյումրու զինվորկան կոմիսար Գագիկ Խաչատրյանն, անդադառնալով այս զորակոչի  նորամուծությանը, նշեց.  «Սնունդը հավաքակայան տանել չի թույլատրվում այն պատճառով, որ հիմա շոգ է, մինչեւ գնում հասնում են, երկար ժամանակ է անցնում, հետո դա առողջական խնդիրներէ առաջացնում: Թունավորման դեպքեր են լինում: Հազար ու մի խնդիր կա, որից փորձում ենք զերծ պահել մեր նորակոչիկներին»: Կոմիսարը նաև  ուրախությամբ տեղեկացրեց, որ կան շատ նորակոչիկներ, ովքեր այլ երկրից Գյումրի են ժամանել հատուկ զինվորական ծառայության մեկնելու: Միջոցառմանը ներկա Շիրակի մարզպետ Արթուր Խաչատրյանը բարի ծառայություն ու զգոնություն  մաղթեց նորակոչիկներին, իսկ ծնողներին՝ համբերություն:

«Բոլորիս  համար այսօր շատ հուզիչ պահ է: Սիրելի՛ նորակոչիկներ, հանելու եք քաղաքացիական հագուտները եւ հագնելու եք մեր բանակի շորերը: Ապահովելու եք մեր երկրի անվտանգությունը, անկախությունը: Ձեր ուսերին մեծ բեռ է ընկնելու, մեր կյանքը ձեզանից է կախված: Հեշտ չի լինելու, բայց կարողանալու եք բոլոր փորձությունների միջով անցնել:  Ծնողների համար այսօր շատ բարդ է, հատկապես նրանց, ովքեր առաջին զինվորին են բանակ ուղարկում: Շատ բարդ է լինելու, բայց ձեր տղան հետ է գալու՝ մեծ դպրոց անցած եւ տղամարդ դարձած»,- ասաց Շիրակի մարզպետը:

Խումբը մեկնեց կենտրոնական հավաքակայան: