էլի փող ուզեք

Մշակույթի նախարար Արմեն Ամիրյանին այսօր Ազգային ժողովում քրդական համայնքի ներկայացուցիչ Կնյազ Հասանովը հարց ուղղեց՝ ինչո՞ւ է պետությունը կրճատել իրենց համայնքի համար հրապարակվող թերթին տրվող գումարները:  

«Ինձ չի գոհացնում այն ցանկը, որով պետությունը կրճատելու է իր աջակցությամբ տպվող թերթերին հատկացվող գումարների չափը և առաջիկայում կլինի համապատասխան քննարկում այդ ցանկում ընդգրկված որոշ թերթերի տրվող գումարների չափն ավելացնելու համար: Պետք է նշեմ՝ ժամանակն է՝ պետական միջոցներով տպվող թերթերը լինեն նաև առցանց դաշում, բացի այդ ավելացնեն իրենց տպաքանակը»:

Նախարարի պատասխանին արձագանքեց Կնյազ Հասանովը՝ նշելով, որ քրդական համայնքի համար հրատարակվող թերթը գյուղերում է սպառվում և դժվար թե նրանք կարողանան օգտվել առցանց տարբերակից:

Պատգամավորի դիտարկմանն ի պատասխան նախարարը պնդեց, որ գյուղերում էլ կարող են օգտվել առցանց մամուլից, ինչին ի պատասխան էլ, նիստը վարող Վարդան Բոստանջյանը հորդորեց Կնյազ Հասանովին առցանց տարբերակի համար էլ փող ուզել: