Մեսսին՝ աշխարհի ամենաբարձր վարձատրվող ֆուտբոլիստ

«Բարսելոնա»-ի հարձակվող Լիոնել Մեսսին օրերս երկարաձգել է պայմանագիրը կատալոնյան թիմի հետ:

Նոր պայմանագրի համաձայն 30-ամյա արգենտինացու տարեկան աշխատավարձը 30 մլն եվրո է, գումարած 13 մլն եվրո բոնուս: Բացի դա, պայմանագրի կնքման համար ֆուտբոլիստը ստացել է ևս 50 մլն եվրո: Այս մասին գրում է Marca-ն:

Արդյունքում Մեսսին դարձավ աշխարհի ամենաբարձր վարձատրվող ֆուտբոլիստը:

Ավելի վաղ ամենաբարձր աշխատավարձը  ստացող ֆուտբոլիստը Կարլոս Տևեսն էր, որը «Շանհայ Շենհուա»-ում ստանում է 38 մլն եվրո:

Ամենաբարձր վարձատրվող ֆուտբոլիստների հնգյակում են նաև  ՊՍԺ-ի ֆուտբոլիստ Նեյմարը  (36 մլն), «Ռեալ»-ի հարձակվող Կրիշտիանու Ռոնալդուն (21 մլն, 34մլն՝ բոնուսների հետ միասին) և «Շանհայ  Տելեյս»-ի կիսապաշտպան Օսկարը (24 մլն):