Ի՞նչ ուտել ձմռանը և ունենալ բարձր տրամադրություն. խորհուրդ է տալիս դիետոլոգը

Ձմռան ամիսներին խորհուրդ է տրվում շատ միրգ, հատապտուղ և բանջարեղեն օգտագործել: Lրագրողների հետ հանդիպմանն այս մասին նշեց դիետոլոգ Վարդանուշ Պետրոսյանը:

Դդում, չիչխան, Հայաստանում աճող հացահատիկ և կոճապղպեղ. ահա սրանք են այն սննդամթերքները, որոնք խորհուրդ է տալիս օգտագործել դիետոլոգ Վարդանուշ Պետրոսյանը: 

«Ոչ ոքի համար գաղտնիք չէ, որ ճիշտ սնվելն օգնում է հարմարվել սեզոնին: Ձմռանն անցնելու համար ցանկալի է ուտել տաք և յուղոտ բաներ: Այսօրվանիցմենք երեք ամիս ապրելու ենք ձմռան շրջան, այդ պատճառով մերքաղաքացիներին խորհուրդ  եմ տալիս ուտել հենց այն սնունդը, որն աճում էմեր երկրում. դրանք մեր հացահատիկներն են»,- նշեց Պետրոսյանը:

Նրա խոսքով՝ ձմռանը պետք է շատ կաթնամթերք օգտագործել և, երբ առկա է սուր շնչառական հիվանդությունների տարածման վտանգ` կանխարգելելու և իմունիտետը բարձր պահելու լավագույն տարբերակը մածունն է: 

«Իմունիտետի ամրացման լավագույն տարբերակներից մեկը նաև յոգուրտն է, սրան հաջորդում են դդմի սերմերը, որոնք ցինկի հիանալի աղբյուր են, ինչըբարձրացնում է իմունիտետը: Լավագույն ձմեռային մթերքների թվին էդասվում նաև մեղրը»,- վստահեցրեց դիետոլոգը և հավելեց, որ պետք է այնպիսի մթերք օգտագործել, որը տրամադրություն է բարձրացնում:

«Շատ քաղցրավենիքի պահանջ ենք զգում, երբ դրսում ցուրտ է, բայց շատ ուտելը ճիշտ չէ: Քաղցրն ազդում է մեր օրգանիզմի վրա թմրադեղի նման: Քաղցրավենիքի ազդեցության անցնելուց հետո վատ տրամադրությունը վերադառնում է»,- տեղեկացրեց դիետոլոգ Պետրոսյանը:

Նա խորհուրդ է տալիս շատ միրգ, հատապտուղ, բանջարեղեն ուտել, հատկապես` դդում, նուռ և չիչխան: Նրա պնդմամբ` դրանք իրենց մեջ պահում են արևի ջերմությունը: Այդ մթերքների օգտագործումն օգնում է լրացնել արևի բացը ձմռանը:

Դիետոլոգն Ամանորի տոներին ընդառաջ՝ քաղաքացիներին խորհուրդ տվեց հրաժարվել շատակերությունից և այդ օրերին ավելի շատ շփվել հարազատների հետ: