Արոնյանը մեկնարկեց ոչ-ոքիով

Հայկական շախմատի առաջատար, աշխարհի գործող գավաթակիր Լևոն Արոնյանը ոչ-ոքիով  մեկնարկեց Լոնդոնի միջազգային մրցաշարում:

«London Chess Classic»-ի մեկնարկային տուրում Արոնյանը ուժերը չափեց  Ռուսաստանը ներկայացնող Յան Նեպոմնյաշչիի հետ: 

Մրցաշարը կավարտվի դեկտեմբերի 1-11-ը, իսկ մրցաշարի մրցանակային ֆոնդը կազմում է 300.000 ԱՄՆ դոլար: «London Chess Classic»-ի գործող չեմպիոնը ԱՄՆ ներկայացուցիչ Ուեսլի Սոն է: Այս մրցաշարում առավելագույնը չորս անգամ հաղթել է աշխարհի գործող չեմպիոն Մագնուս Կարլսենը (2009, 2010, 2012, 2015):