«Բանանց»-ը գերազանցեց «Արարատ»-ին

Ֆուտբոլի Հայաստանի առաջնության15-րդ տուրն ավարտվեց «Արարատ»-«Բանանց» խաղով:

«Բանանց»-ին հաջողվեց առավելության հասնել 2:3 հաշվով: «Արարատ»-ի կազմում դուբլի հեղինակ դարձավ Գարեգին Կիրակոսյանը, իսկ Ռումյան Հովսեփյանի դուբլը և Վալմերսոնի իրացրած 11 մետրանոց հարվածն օգնեց «Բանանց»-ին:

15-րդ տուրից հետո Հայաստանի բարձրագույն խմբում կլինի ձմեռային դադարը:

Մրցաշարային աղյուսակը 30 միավորով գլխավորում է «Ալաշկերտ»-ը: 24 միավորով երկրորդ տեղում «Գանձասար-Կապան»-ն է: Եռյակը 22 միավորով եզրափակում է «Բանանց»-ը: «Շիրակ»-ը 19 միավորով 4-րդ է, «Փյունիկ»-ը 17 միավորով 5-րդը, իսկ հետնապահ «Արարատ»-ն ունի միայն 9 միավոր: