«Մարիտիմու»-ն պարտվել է. Ղազարյանը մասնակցել է խաղին

Պորտուգալիայի գավաթի խաղարկության 1/8 եզրափակչում «Մարիտիմու»-ն տնային խաղում ուժերը չափել է  «Կովա դե Պիեդադի»-ի հետ: Հանդիպման հիմնական ու լրացուցիչ ժամանակն ավարտվել է առանց գոլերի: Հաղթողը որոշվել է հետխաղյա 11 մետրանոցներով:  «Մարիտիմու»-ն պարտվել է 2:4 հաշվով և լքել պայքարը:

Գևորգ Ղազարյանը մասնակցել է խաղին 103-րդ րոպեից և վրիպել 11 մետրանոցից:

Նշենք, որ հյուրերը հանդիպումն ավարտել են 10 հոգով. 101-րդ րոպեին երկրորդ դեղինն է ստացել և հեռացվել Վիլիանը: