«Ժամանակ». Բաղմանյանը պաշտոնանկությունից հետո բավականին լավ տրամադրություն ունի
Հայկական Մամուլ
«Ժամանակ» օրաթերթը գրում է.
«ԶՈՒ գլխավոր շտաբի պետի արդեն նախկին տեղակալ, գեներալ-լեյտենանտ Հայկազ Բաղմանյանը պաշտոնանկությունից հետո բավականին լավ տրամադրություն ունի: «Լավ եմ, շատ լավ»,- «Ժամանակ»-ի հետ զրույցում ասաց նա:
Մեր դիտարկմանը, թե ինչում էր, ի վերջո, թերացել, որի մասին խոսեց պաշտպանության նախարար Վիգեն Սարգսյանը, Բաղմանյանը թույլ քմծիծաղ տվեց և հայտարարեց, որ ոչ մի հարցի չի պատասխանելու, ու անջատեց հեռախոսը։
Հիշեցնենք՝ պաշտպանության նախարար Վիգեն Սարգսյանը նշել էր, որ Բաղմանյանն իր հորդորով է աշխատանքից ազատվելու զեկուցագիր ներկայացրել: Հարցին, թե ո՞րն է եղել հորդորի պատճառը, նախարարը պատասխանել էր. «Աշխատանքային պայմանավորվածությունների չկատարում, որն անհամատեղելի էր հետագա համատեղ ծառայության հետ»»:
Առավել մանրամասն` «Ժամանակ» օրաթերթի այսօրվա համարում:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
