Անհայտ անձը կրակ է բացել մանկական ատամնաբուժական կլինիկայի բակում, կան տուժածներ (տեսանյութ, լուսանկարներ)

Denver Post-ը հայտնում է, որ ԱՄՆ Կոլորադո նահանգում անհայտ անձը կրակ է բացել մանկական ատամնաբուժական կլինիկաներից մեկի մոտակայքում, միջադեպի հետևանքով տուժել է 4 մարդ, նրանց թվում՝ 2 երեխա։

Դեպքը տեղի է ունեցել Ուեսթմինսթեր շրջանում: Անհայտ տղամարդը կրակահերթ է բացել բժշկական կենտրոնի ավտոկայանատեղիի տարածքում, այնուհետև փախուստի դիմել մեքենայով։ 

Դեպքից ժամեր անց ոստիկաններին հաջողվել է դուրս գալ մեքենայի հետքի վրա ու ձերբակալել կասկածյալին։ Սակայն ոստիկանությունից նշել են, որ «դա անձ է, ում իրենք հարցեր ունեն տալու», և եթե նա դառնա գործով գլխավոր կասկածյալը՝ նրա անունն անպայման կհրապարակվի։

Տուժածների առողջական վիճակի մասին տվյալներ դեռևս չեն հրապարակվում: Հայտնի է, որ բոլորը հոսպիտալացվել են։