Ադրբեջանի ԱԳՆ-ն արձագանքել է Արցախում Նիկոլ Փաշինյանի ելույթին
Քաղաքական
Ադրբեջանի ԱԳՆ-ն արձագանքել է Հայաստանի Հանրապետության վարչապետ Նիկոլ Փաշինյանի՝ Ստեփանակերտի Վերածննդի հրապարակում ունեցած ելույթին:
Ինչպես հայտնում է Minval.az-ը, գերատեսչությունից նշել են, որ ելույթ ունենալով Ստեփանակերտում՝ Հայաստանի վարչապետն «իրականությունից հեռու պոպուլիստական հայտարարություններ է հնչեցրել, ինչը ցույց է տալիս նրա անտեղյակությունը տարածաշրջանում և աշխարհում տեղի ունեցող իրադարձություններից և նրա թուլությունը որպես քաղաքական գործիչ»:
ԱԳՆ հայտարարության համաձայն՝ «Չնայած ելույթը ուղղված էր ներքին լսարանին՝ ՀՀ վարչապետի հայտարարությունը հակասում է հակամարտության կարգավորման շուրջ տարվող երկարամյա բանակցությունների էությանը: Հայտարարությունը հակասում է նաև Հայաստանի՝ «միայն խաղաղության ճանապարհով կոնֆլիկտի լուծման» կոչերին»:
Հիշեցնենք, որ Նիկոլ Փաշինյանը Վերածննդի հրապարակում թվարկել է խոշոր խնդիրներն ու մարտահրավերները, որոնք Հայաստանը պետք է լուծի մինչև 2050 թվականը: Վարչապետն ընդգծել է, որ իր ելույթում չի հիշատակում Արցախը, քանի որ «Արցախը Հայաստանն է և վերջ»:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
