Հայաստանի 3 պատվիրակ Եվրոպայի առաջնության առաջատարների խմբում է

Armsport-ը գրում է.

Սլովակիայում ընթացող Եվրոպայի պատանեկան առաջնությունում երեկ տեղի է ունեցել մրցաշարի 4-րդ տուրը, հայտնում է Հայաստանի շախմատային ֆեդերացիայի պաշտոնական կայքը։

Մինչև 18 տարեկան տղաների մրցաշարում Արամ Հակոբյանը 5 հնարավորից վաստակել է 4.5 միավոր և կիսում է 1-3-րդ հորիզոնականները։

Մինչև 16 տարեկանների ենթախմբում Արմեն Բարսեղյանը 4.5 միավորով կիսում է 1-4-րդ հորիզոնականները:

Տիգրան Սարգսյանն առաջատարներին զիջում է կես միավորով:

Մինչև 14 տարեկան տղաների մրցաշարում Ալեքս Սահակյանը վաստակել է 4 միավոր և մեկ միավոր է զիջում առաջատարներին:

Մինչև 12 տարեկանների մրցաշարային աղյուսակը գլխավորում են 5 միավոր վաստակած 2 շախմատիստ՝ Ռոբերտ Փիլիպոսյանը և Ուկրաինան ներկայացնող Վադիմ Պետրովսկին:

Մինչև 10 տարեկանների մրցաշարում Վաչե Հովակիմյանը և Գագիկ Նավոյանը վաստակել են 4-ական միավոր և առաջատարներին զիջում են 1 միավորով:

Մինչև 18 տարեկան աղջիկների մրցաշարում Աննա Սարգսյանը վատսակել է 4 միավոր և մրցաշարի միանձնյա առաջատարից հետ է 1 միավորով:

Մինչև 16 տարեկան աղջիկների մրցաշարում Մարիամ Մկրտչյանը իր ակտիվում ունի 4 միավոր և առաջատարներից հետ է կես միավորով:

Մինչև 14 տարեկան աղջիկների մրցաշարում Աստղիկ Հակոբյանը 1 միավոր է զիջում մրցաշարի 3 առաջատարներին: