Խաղի ընթացքին համապատասխան է գրանցված հաշիվը. «Դյուդելանժ»-ի գլխավոր մարզիչ

«Դյուդելանժ»-ի գլխավոր մարզիչ Էմիլիո Ֆերերան Եվրոպայի լիգայի որակավորման փլեյ-օֆֆ փուլի «Արարատ-Արմենիա»-ի հետ առաջին խաղում գրանցված 2։1 հաշիվը խաղի ընթացքին համապատասխան է համարում։

Այս մասին Ֆերերան ասաց օգոստոսի 22-ին տեղի ունեցած հետխաղային մամուլի ասուլիսի ընթացքում։

«Առաջին 15-30 րոպեները շատ բարդ էին թիմի համար, երկրորդ խաղակեսում ամեն ինչ ավելի լավ էր, բայց վերջին պահին գնդակ բաց թողեցինք։ Կարող եմ ասել, որ խաղի ընթացքին համապատասխան է գրանցված հաշիվը»,- ասաց մարզիչը։

Ֆերերան նշեց, որ այս պահին դեռ դժվար է ասել, թե երկու խաղերի արդյունքում որ թիմը դուրս կգա խմբային փուլ։