Տեսանյութից չհասկացանք, թե ինչով է հիմնավորվում՝ Պապիկյանի հետ ազգակցական կապ ունեցողն է երկու անգամ քվեարկում. Բադասյան

ՍԴ-ում արդարադատության նախարարի պաշտոնակատար Ռուստամ Բադասյանը ԿԸՀ նախագահին խնդրեց ներկայացնել իր դիրքորոշումը «Հայաստան» դաշինքի ներկայացրած դիմումի մի քանի կետի վերաբերյալ։

Ռուստամ Բադասյանը նշեց, որ «Հայաստան» դաշինքի դիմումում նշված է, որ Ստեփանավանի 25/33 ընտարտեղամասում նույն անձը, որն ազգակցական կապ ունի ՔՊ կուսակցության պատգամավորի թեկնածու Սուրեն Պապիկյանի հետ 2 անգամ է քվեարկում։

«Տեսանյութից չհասկացանք՝ ինչով է հիմնավորվում Սուրեն Պապիկյանի հետ ազգակցական կապը։ Ընտրողը ծրարը ձեռքին տևական ժամանակ անցկացնում է հանձնաժողովի անդամների մոտ, որից հետո գցում է քվեատուփի մեջ, դրանից հետո նորից է գնում դեպի քվեախցիկ՝ ըստ դիմումտաուի երկրորդ անգամ քվեարկելու, այնուհետև քվեախցիկի մոտից վերադառնալիս կարծես միայն կտորն է ձեռքում, այլ ոչ թե ծրար»,-ասաց Ռուստամ Բադասյանը։

ԿԸՀ նախագահ Տիգրան Մուկուչյանն էլ նկատեց՝ եթե առկա է կրկնաքվեարկություն, ապա դա ինքնուրույն ուսումնասիրման նյութ է, որովհետև այդտեղ էլ հանգամանքները կարող են տարբեր լինել։