Արևմուտքը ցանկանում է ՌԴ-ին դուրս մղել Հարավային Կովկասից․ Կոլոկոլցևը՝ Փաշինյանին

Արևմուտքը ցանկանում է օգտագործել Ուկրաինայի հետ կապված իրավիճակը՝ Ռուսաստանի Դաշնությանը Հարավային Կովկասից դուրս մղելու համար, Միացյալ Նահանգները թքած ունի Հայաստանի և հայերի վրա, հայտարարել է ՌԴ ՆԳ նախարար Վլադիմիր Կոլոկոլցևը Երևանում Հայաստանի վարչապետ Նիկոլ Փաշինյանի հետ հանդիպման ժամանակ։
Այս մասին հաղորդում է ՌԻԱ Նովոստին։

«Արևմուտքը ցանկանում է օգտագործել Ուկրաինայի շուրջ ստեղծված իրավիճակը՝ Հարավային Կովկասից Ռուսաստանին դուրս մղելու և ռուս-հայկական կապը ոչնչացնելու համար: ԱՄՆ-ն և ԵՄ-ն մոլեգնորեն առաջարկում են բարեփոխումների իրենց բաղադրատոմսերը՝ ներառյալ հետախուզական ծառայությունները և իրավապահ մարմինները, պաշտպանությունը, դատական ​​համակարգը։ Իրերի այս վիճակը խաթարում է մեր դաշինքը։ Ամերիկացիները միշտ միայն իրենց շահերն են հետապնդում, թքած ունեն Հայաստանի ու հայերի վրա», - ասել է Կոլոկոլցևը։

Մամուլի ծառայությունից նաև նշել են, որ «Կոլոկոլցևը հիշեցրել է, որ Ռուսաստանի և Հայաստանի իրավապահ մարմինների միջև հարաբերությունները կրում են փոխըմբռնման և գործընկերության բնույթ ինչպես միջազգային հարթակներում, այնպես էլ երկկողմ համագործակցության շրջանակներում, և և պատրաստակամություն է հայտնել տարբեր ձևաչափերով համագործակցել Հայաստանի ՆԳՆ-ի հետ հարցերի ողջ շրջանակի շուրջ, որոնց լուծումը կնպաստի տարածաշրջանում անվտանգության և կայունության ամրապնդմանը»։

Ռուսաստանցի նախարարն ընդգծել է, որ նման միջոցառումների համակարգված մոտեցումը և բիզնես մթնոլորտը հնարավորություն են տալիս համատեղել ջանքերը անվտանգության ապահովման, քաղաքացիների պաշտպանության և հասարակական կարգի պաշտպանության համար, նշել են գերատեսչությունում։