Հոկտեմբերի 14-18-ը կանցկացվի «Բացահայտիր Հայաստանը երկնքից» օդագնացության միջազգային փառատոն

Սքայբոլ ընկերությունը ՀՀ զբոսաշրջության կոմիտեի աջակցությամբ 2023 թ. հոկտեմբերի 14-18-ը կազմակերպում է «Բացահայտիր Հայաստանը երկնքից» օդագնացության միջազգային փառատոն։ Փառատոնին այս տարի մասնակցելու են ավելի քան 20 օդապարիկներ ՀՀ-ից և արտերկրից՝ Բրազիլիա, Բուլղարիա, Գերմանիա, Լատվիա, Լեհաստան, Ղազախստան, Ճապոնիա, Մեծ Բրիտանիա, Ռուսաստան, Վրաստան: Այդ մասին հայտնում են Զբոսաշրջության կոմիտեից:

Փառատոնը նպատակ ունի տեղացիների և միջազգային հանրության շրջանում բացահայտել Հայաստանի արկածային տուրիզմի հնարավորությունները, նմանօրինակ փառատոները դարձնել ամենամյա, համալրել աշխարհում կազմակերպվող լավագույն փառատոների շարքը։

Փառատոնը բաղկացած կլինի երկու փուլից՝ ցուցադրական և մարզական։ Ցուցադրական փուլը իր մեջ ներառում է օդապարիկների ազատ թռիչքներ Երևանի, Գառնիի, Ապարանի օդային տարածքում։ Մարզական փուլի ժամանակ յուրաքանչյուր օդապարիկի անձնակազմ պետք է իրականացնի պահանջվող առաջադրանքը, որի արդյունքում կընտրվեն հաղթողներ։

14.10.2023

Առաջին թռիչք. Հանրապետության հրապարակ - 07։30-09։00

Երկրորդ թռիչք. Հանրապետության հրապարակ - 17։00-18։30

15.10.2023

Երրորդ թռիչք. Հանրապետության հրապարակ - 07։30-09։00

Չորրորդ թռիչք. Հանրապետության հրապարակ - 17։00-18։30

16.10.2023

Հինգերորդ թռիչք. Գառնի համայնք - 07։00 - 09։00

Վեցերորդ թռիչք. Գառնի համայնք - 17։00 - 18։30

17.10.2023

Յոթերորդ թռիչք. Գառնի համայնք - 07։00-09։00

Ութերորդ թռիչք. Գառնի համայնք -17։00-18։30

18.10.2023

Իններորդ թռիչք. Ապարանի ջրամբար - 07։30-09։00