Արաս Օզբիլիսը՝ խորհրդանշական հավաքականում

championat.com-ը հրապարակել է Ռուսաստանի առաջնության 16-րդ տուրի խորհրդանշական հավաքականում ընդգրկված ֆուտբոլիստների անունները, որտեղ տեղ է գտել «Կուբանի» ֆուտբոլիստ Արաս Օզբիլիսը։

«Հայ կիսապաշտպանը կես մրցաշրջանի ընթացքում հասցրել է դառնալ կրասնոդարյան ակումբի առաջատարը։ Նա իր թիմի խաղը առաջ է տանում, փոխանցումներ, գեղեցիկ անցումներ և հարվածներ է կատարում։ Սարանսկում Օզբիլիսը հերթական գոլը խփեց տուգանային հարվածից, և դաշտում անցկացրած ժամանակահատվածում նա ամենաակտիվ խաղացողն էր»,-գրում է կայքը։