Լեհաստանում ձերբակալել են պետական հաստատությունները պայթեցնել ցանկացող ահաբեկչին
Վերջին լուրեր
Կրակով քաղաքում նախօրեին ձերբակալված ենթադրյալ ահաբեկիչը, որին կալանավորել էին Լեհաստանի ներքին անվտանգության գործակալները, պարզվում է, որ համախոհներ էր հավաքում և սովորեցնում նրանց, թե ինչպես պայթեցնել պետական հաստատությունները: Այս մասին հաղորդում է Интерфакс-ը՝ հղում կատարելով Կրակովի դատախազությանը:
Նրա խոսքերով՝ ձերբակալվածը խոստովանել է իր մեղքը, որ ինքը սովորեցրել է իր համախոհներին, թե ինչպես պայթեցնել պետական հաստատությունները: Նա նաև հաղորդել է, որ իրեն ոչ ոք չի ստիպել նման արարքի դիմել, և նա դա արել է սեփական ցանկությամբ: Դատախազը նշել է, որ ահաբեկիչն ազգայնական, հակասեմական, քսենոֆոբիական հակումներ է ունեցել»:
Տան խուզարկության ժամանակ հայտնաբերվել են պայթուցիկ նյութեր և զինամթերք: Ընդ որում, նա իրավունք չուներ զենք գնել Լեհաստանում և զինամթերքը ձեռք է բերել Բելգիայում: Հետաքննության արդյունքում ձերբակալվել է 2 հոգի, որոնցից մեկը հետո ազատ է արձակվել:
Հնարավոր ահաբեկիչը գյուղատնտեսական ֆակուլտետի 45-ամյա աշխատակիցն է եղել, ով մտադիր է եղել պայթեցնել 4 տոննա պայթուցիկով բեռնված մեքենան։
Հետաքննությունը պնդում է, որ նրա համար օրինակ է ծառայել Անդերս Բրեյվիկը և ամերիկացի ահաբեկիչները:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
